Sa ating buhay, hindi maiiwasan na makipagtalo sa ibang tao. Minsan, dahil sa pride o galit, gusto natin na manalo sa argumento at patunayan na tayo ang tama. Pero alam niyo ba na ang paggawa nito ay hindi nakakatulong sa ating relasyon at reputasyon?

Sa halip na makipag-away, mas mabuti pa na magpakumbaba at kalma lang muna. 

Bakit? Una, dahil ang pagpapakumbaba ay nagpapakita ng respeto sa sarili at sa iba. Hindi ibig sabihin na kapag nagpakumbaba ka ay wala kang paninindigan o mahina ka. Ang ibig sabihin nito ay marunong kang umintindi ng ibang pananaw at tanggapin ang iyong mga pagkakamali. Ito ay nagpapahiwatig na ikaw ay may good manners at right conduct. 

Pangalawa, dahil ang pagpapakumbaba ay nagbubukas ng oportunidad para matuto at lumago. Hindi naman lahat ng oras ay tayo ang tama o alam natin ang lahat. Kung magpakumbaba tayo, mas madali nating makikita ang mga bagay na pwede nating i-improve o baguhin sa ating sarili. Mas madali rin nating makukuha ang simpatya at tulong ng ibang tao kung ipakita natin na handa tayong makinig at matuto. 

Pangatlo, dahil ang pagpapakumbaba ay nagdadala ng kapayapaan at kasiyahan. Hindi ba masarap sa pakiramdam na walang kaaway o sama ng loob? Kung magpakumbaba tayo, mas maiiwasan natin ang mga gulo at away na nakakasira ng araw. Mas magiging harmonious at peaceful ang ating pakikisama sa iba. Mas magiging masaya at kuntento tayo sa kung ano ang meron tayo. 

Kaya mga Yagit, huwag nating kalimutan na ang magpakumbaba ay isang susi sa tagumpay at kapayapaan. Sa mga pagtatalo, kahit galit na galit ka na, kalma ka lang muna. Isipin mo muna kung ano ang mas makabubuti sa iyo at sa iba. Baka mas maganda pa na humingi ka ng paumanhin o magbigay-daan kaysa makipagbangayan. Tandaan mo, hindi lahat ng laban ay dapat ipaglaban. Ang tunay na matapang ay marunong magpakumbaba.

Note: yung image ng quote na about sa bomba joke lang yun, pandagdag humor  :D